Պայթուցիկ նյութերի տեղափոխման մեղադրանքով Վրաստանում երկու ուկրաինացի է ձերբակալվել

Վրաստանի Պետական անվտանգության ծառայության հաղորդմամբ՝ իրականացված օպերատիվ-հետախուզական գործողությունների արդյունքում ձերբակալվել է Ուկրաինայի երկու քաղաքացի։ Այս մասին գրում է aliq.ge-ն։

ՊԱԾ-ի տվյալներով՝ այս տարվա սեպտեմբերի 10-ին ուկրաինական համարանիշներով MERCEDES-BENZ բեռնատարն Ուկրաինայից մուտք է գործել Վրաստան Սարփիի մաքսային անցակետով։

Մեքենայի զննման արդյունքում հայտնաբերվել է 2.4 կիլոգրամ «Հեքսոգեն» պայթուցիկ նյութ:

Հետաքննությունը շարունակվում է Վրաստանի քրեական օրենսգրքի 236-րդ հոդվածով` պայթուցիկ նյութերի անօրինական ձեռքբերում, պահպանում և տեղափոխում: