Թիվ 50 երթուղին սպասարկող ավտոբուսի վրա կրակոցի արձակումը հաստատված փաստ չէ. ՆԳՆ

Այս պահի դրությամբ Երևանում թիվ 50 երթուղին սպասարկող ավտոբուսի վրա կրակոցի հաստատված փաստ չկա։ Այս մասին հայտնեցին ՆԳ նախարարությունից։

Ավելի վաղ հայտնել էինք, որ Shamshyan.com-ի տեղեկություններով այսօր ժամը 20։20-ի սահմաններում օպերատիվ տեղեկություն է ստացվել, որ Էրեբունի վարչական շրջանի Խաղաղ Դոնի փողոցում Երևանի քաղաքապետարանի հաշվեկշռում հաշվառված թիվ 50 երթուղին սպասարկող ավտոբուսի ձախակողմյա կողային ապակու վրա կրակոց է արձակվել։ Դեպքի վայրում հավաքվածները նշել էին, որ ավտոբուսը ընթանում էր, և դրա մեջ գտնվել են մի քանի ուղևորներ, ովքեր բարեբախտաբար չեն տուժել։