Երևանի պետական մանկապարտեզներում +40°C շոգին ոչ մի օդորակիչ, ոչ մի հովացման միջոց չկա. երեխաների մոտ առաջացնում է թուլություն, նույնիսկ ուշագնացություն

Երևանի պետական մանկապարտեզներում այս օրերին օդի ջերմաստիճանը գերազանցում է +40°C-ը։ Երեխաներն ու անձնակազմը ստիպված են դիմակայել +40°C շոգին, քանի որ որևէ հովացման միջոց՝ օդորակիչ, օդափոխություն, գեթ մեկ պտտվող հովհար՝ չկա։ Խաղասենյակներում չշարժվող օդը, երկարաժամկետ ջերմային ծանրաբեռնվածությունը երեխաների մոտ առաջացնում է թուլություն, նույնիսկ ուշագնացություն։ Սա առօրյա իրականություն է։

Բայց պատկան մարմինները լռում են։

Ոչ մի արձագանք։ Ոչ մի արագ գործողություն։

Հարցեր են առաջանում:

Ի՞նչ արժեք ունի այս երկրում երեխայի առողջությունը։

Ո՞ւր է հանրային հաշվետվողականությունը, երբ երեխաները բառացիորեն խեղդվում են պետական համակարգի անտարբերության մեջ։

Պատասխաններն ակնհայտ են:

Երբ պետությունն անտարբեր է ամենախոցելիների հանդեպ, դա համակարգային անպատասխանատվության ամենավառ ապացույցներից է։

*** Ու երբ կմտածեք մանկապարտեզները շոգից ելնելով փակել, հոգացե´ք նաև աշխատող ծնողների «ձեր հաշվին» արձակուրդի խնդիրը: