Այսօր՝ հուլիսի 5-ին, ավտովթար է տեղի ունեցել Երևանում։

Ինչպես հայտնում է Shamshyan.com-ը, ժամը 17։30-ի սահմաններում «Shacman» մակնիշի բետոնախառնիչ բեռնատարը Մոնթե Մելքոնյան փողոցից դեպի Իսակովի պողոտա ընթանալիս, դեռևս անհայտ հանգամանքներում, բախվել է բետոնե եզրաքարին և կողաշրջված վիճակում ամբողջությամբ փակել է ճանապարհը։

Վթարի հետևանքով, ըստ նախնական տեղեկությունների, տուժածներ չկան։

Վթարի փաստով Երևան քաղաքի պարեկային գնդի առաջին գումարտակում փաստաթղթեր են ձևակերպվում։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել