ՄԱԿ-ի Գլխավոր ասամբլեան Կոնգոյի Դեմոկրատական Հանրապետությունը, Լիբերիան, Բահրեյնը, Կոլումբիան և Լատվիան ընտրել է որպես Անվտանգության խորհրդի ոչ մշտական անդամներ 2026-2027թթ. համար։
Այս երկրները կփոխարինեն Ալժիրին, Գայանային, Կորեայի Հանրապետությանը, Սիերա Լեոնեին և Սլովենիայի, որոնց ժամկետը լրանում է 2025 թվականի դեկտեմբերի 31-ին։
Անվտանգության խորհրդի ոչ մշտական անդամներն ընտրվում են գաղտնի քվեարկությամբ։ Հաղթելու համար անհրաժեշտ է հավաքել ՄԱԿ-ի Գլխավոր ասամբլեայի պատվիրակների ձայների առնվազն երկու երրորդը։
Նշենք, որ Լատվիան նախկինում երբեք չի եղել ՄԱԿ-ի Անվտանգության խորհրդում։ Կոլումբիան 7 անգամ ընտրվել է ՄԱԿ-ի կառույցի ոչ մշտական անդամ, Կոնգոյի Դեմոկրատական Հանրապետությունը՝ երկու անգամ, Բահրեյնը և Լիբերիան՝ մեկական անգամ։
Անվտանգության խորհուրդը բաղկացած է 15 անդամից, որոնցից 5-ը մշտական են (Ռուսաստան, Մեծ Բրիտանիա, ԱՄՆ, Ֆրանսիա, Չինաստան)։ Մնացածներն ամեն տարի ընտրվում են հինգ երկրների խմբերով։ Հունաստանը, Դանիան, Պակիստանը, Պանաման և Սոմալին նույնպես ոչ մշտական են ընտրվել 2025-26 թթ. համար: