News.am-ը գրում է․
ԱՄՆ նախագահ Դոնալդ Թրամփը ուրբաթ օրը կրկնել է, որ չի ցանկանում, որ Իրանը միջուկային զենք ունենա՝ այս շաբաթավերջին ԱՄՆ-Իրան բանակցությունների երկրորդ փուլից առաջ, հայտնում է CNN-ը։
«Ես կողմ այն բանին, որ Իրանը պարզապես միջուկային զենք չստանա: Նրանք չեն կարող միջուկային զենք ունենալ: Ես ցանկանում եմ, որ Իրանը լինի մեծ, բարգավաճ և զարմանալի»,- լրագրողներին ասել է Թրամփը՝ պատասխանելով այն հարցին, թե արդյոք թույլ կտա Իրանին պահպանել իր միջուկային ծրագիրը:
«Իրանը չի կարող միջուկային զենք ունենալ, և եթե նրանք միջուկային զենք ունենան, դուք շատ դժգոհ կլինեք: Դուք շատ դժբախտ կլինեք», - հավելել է նա:
Թրամփի վարչակազմի պաշտոնյաները տատանվում էին Իրանի նկատմամբ կոշտ քաղաքականության հարցում, ընդ որումմ պաշտպանության նախարար Փիթ Հեգսեթը կոչ է արել Թեհրանին ապամոնտաժել իր ողջ միջուկային ծրագիրը, ոչ միայն զենքի բաղադրիչը:
ԱՄՆ բանագնաց Սթիվ Ուիտկոֆը, ով ներկայացնում էր Վաշինգտոնն Իրանի հետ բանակցություններում հանգստյան օրերին, ասել է, որ ցանկացած վերջնական համաձայնագիր Իրանից կպահանջի «դադարեցնել և ապամոնտաժել միջուկային հարստացման և զանգվածային ոչնչացման զենքերի իր ծրագրերը»:
Թրամփը, ով վերջերս նախազգուշացրել էր, որ ԱՄՆ-ը կդիմի Իսրայելի կողմից աջակցվող ռազմական հարվածների իրանական միջուկային օբյեկտներին, եթե Թեհրանը չկարողանա համաձայնության գալ իր բանակիցների հետ, դուրս բերեց ԱՄՆ-ն Իրանի հետ համաձայնագրից, որը բանակցել էր Օբամայի վարչակազմը 2018 թվականին: Սպասվում է, որ Ուիտկոֆը շաբաթ օրը Հռոմում Օմանի պաշտոնյաների միջնորդությամբ կհանդիպի Իրանի ներկայացուցիչների հետ:
