Ինդոնեզիայի Բալի նահանգի կառավարությունը շրջաբերական է հրապարակել օտարերկրյա զբոսաշրջիկների համար վարքագծի նոր կանոններով։ Այս մասին հայտարարել է Բալիի նահանգապետ Վայան Քոսթերը, որի խոսքը մեջբերում է Antara գործակալությունը։
«Օտարերկրյա զբոսաշրջիկները, որոնք կխախտեն կանոնները, կենթարկվեն խիստ միջոցների՝ պատժամիջոցների կամ դատավարությունների տեսքով՝ Ինդոնեզիայի օրենքներին և կանոնակարգերին համապատասխան», - ասել է նահանգի ղեկավարը:
Գործակալությունը պարզաբանում է, որ նոր կանոնները օտարերկրյա զբոսաշրջիկներից պահանջում են համեստ հագուստ կրել, հատկապես սուրբ և կրոնական վայրեր այցելելիս։ Կղզու հյուրերին, ի թիվս այլ բաների, արգելվում էր աղբ թափել, աղտոտել աղբյուրները և օգտագործել մեկանգամյա օգտագործման պլաստիկ։ Բալիում մնալիս օտարերկրյա զբոսաշրջիկները պետք է վճարեն 150,000 ինդոնեզական ռուփի (մոտ 4,000 դրամ):
Վայան Քոսթերը հայտնի է նրանով, որ առաջարկել է դադարեցնել միանվագ տուրիստական վիզաների տրամադրումը Ռուսաստանից և Ուկրաինայից ժամանած զբոսաշրջիկներին 2023 թվականին՝ վիզայի խախտումների պատճառով: Նրա խոսքով, տեղի բնակիչները բողոքել են ռուսների և ուկրաինացիների «վատ պահվածքից և հնարավոր հանցավոր արարքներից»:
