ՔՊ-ական Ալեքսանյան Վահագը հայտարարել է, որ չնայած իրենց մեղադրում են պոպուլիզմի համար, սակայն իրականում իրենք կայացրել են աննախադեպ թվով ոչ պոպուլյար որոշումներ: «Ոչ մի իշխանություն երևի էդքան ոչ պոպուլյար որոշում չի կայացրել, ինչքան մենք»,-հայտարարել է «Խոզը»:
«Խոզը», իհարկե, անկեղծացել է, բայց դա արել է երևի այն հաշվարկով, որ այդպես կկարողանա ազնիվ քաղաքական ուժի ներկայացուցչի տպավորություն թողնել: Բայց այս խոստովանությունը հատկապես տարակուսելի է դառնում նրա թիմակից Եղոյան Արմանի՝ «Եղոյի» այն խոստովանության ֆոնին, ըստ որի՝ Արցախի խնդրում իրենց համար ուղեցույցային է եղել հանրային կարծիքը, ինչն էլ ստիպել է, փաստորեն, պատերազմ սանձազերծել ու չօգտվել հոկտեմբերին այն դադարեցնելու հնարավորությունից:
Այս երկու ՔՊ-ականի հայտարարությունների ընդհանուր վերլուծությունից ու մեզ շրջապատող իրականությունից պարզ է դառնում, որ միակ որոշումը, որն այս իշխանություններն ընդունել են՝ հանրային կարծիքը հաշվի առնելով, եղել է պատերազմ սանձազերծելու որոշումը, իսկ ահա դրանից հետո տեղի է ունեցել լրիվ հակառակ պորցեսը. որոշումներն ընդունվել են հակառակ հանրային կարծիքի, ինչը նշանակում է, որ ՔՊ-ն պատերազմից հետո դադարել է լինել այն ժողովրդավարական ուժը, որի մասին լոլոներով ՔՊ-ականները չեն դադարում մարդկանց գլուխն արդուկել:

Ստացվում է՝ որտեղ պետք էր ոչ պոպուլյար, բայց ճիշտ որոշումներ կայացնել, ՔՊ-ն մատը մատին չի տվել, իսկ ահա որտեղ պետք է որոշումներ ընդունել՝ լսելով հանրային կարծիքը, հակառակն է արվում: Այսինքն՝ Նիկոլն իր ժողովրդավարությունը միայն ի փառս Իլամի է գործի դրել ու դնում՝ դրանից բխած բոլոր ողբերգական հետևանքներով:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել