Կիրանցի հիմնական դպրոցի տնօրեն Վոլոդյա Բաբինյանը Factor.am-ի հետ զրույցում պնդել է, թե դպրոցն անվտանգ է։

«Ի՞նչ անենք՝ սահման է, բայց սահմանապահը կանգնած է, մենք վստահում ենք, այդ երաշխիքը կա։ 100 տոկոսով ասում եմ՝ նոր դպրոցի շենքը հնից ավելի անվտանգ և ապահով է։ Շենքային պայմանները լավն են, մենք այս հնարավորությունը պետք է բաց չթողնենք։ Եթե չեն հարմարվի նոր շենքին, ինչպես վարչապետն է ասել, նորը կկառուցենք»,- ասել է նա։

Ըստ Բաբինյանի՝ եթե սահմանային հնարավոր վտանգները հաշվի առնեն, պետք է համայնքում էլ չապրեն։ «Եթե ծնողը մնում է համայնքում, եթե երեխան խաղում է հին դպրոցի, նոր դպրոցի շրջակայքում, ուրեմն՝ ժողովրդի մոտ մտագոհությունը մի քիչ փարատվել է։ Դա իմ անձնական կարծիքն է, որ նոր դպրոցն ավելի անվտանգ է»,- իր տեսակետն է կրկնել դպրոցի տնօրենը։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել