PanARMENIAN.Net -ը գրում է.
ԱՄՆ նախկին նախագահ Բիլ Քլինթոնը հոկտեմբերին առաջին անգամ կհրապարակի ԿՀՎ փաստաթղթերը Բոսնիայում և Հերցոգովինայում 1992-1995 թթ. պատերազմի մասին, որոնցից հանվել է «գաղտնի» սահմանափակումը, հայտնել են Բոսնիայի ԶԼՄ-ները՝ ամերիկյան աղբյուրների վրա հղումով:
Ակնկալվում է, որ ԱՄՆ նախկին նախագահը կհրապարակի ԿՀՎ փաստաթղթերը, որոնք հասանելի էին անձանց շատ նեղ շրջանակի: Շնորհանդեսը տեղի կունենա հոկտեմբերի 1-ին Նյու Յորքում՝ Քլինթոնի հիմնադրամում «Բոսնիա. հետախուզական տվյալներն ու Քլինթոնի նախագահությունը» թեմայով սիմպոզիումը ժամանակ: Բանավեճի ժամանակ խոսքը գնալու է 1990-ականների պատերազմի մասին Բալկաններում, հետախուզական ծառայությունների դերի մասին բարձրաստիճան պաշտոնյաների իրազեկման գործում և Քլինթոնի վարչակազմի քայլերին, ուղղված հակամարտության կարգավորմանը, հայտնոմ է «ՌԻԱ Նովոստին»:
Միջոցառմանը կմասնակցեն նաև ԱՄՆ նախկին պետքարտուղար Մադլեն Օլբրայթը, Եվրոպայում ՆԱՏՕ-ի նախկին հրամանատար Ուեսլի Քլարկը, ԱՄՆ նախագահի ազգային անվտանգության գծով նախկին խորհրդական Սամյուել Բերգերն ու հայտնի այլ գործիչներ:
Բոսնիան ու Հերցոգովինան 1922 թ. հայտարարեց Հարավսլավիայի Սոցիալիստական Ֆեդերատիվ Հանրապետությունից դուրս գալու մասին, որից հետո երկրում պատերազմ սկսվեց բոսնիացի մահմեդականների՝ բոշնյակների, սերբերի ու խորվաթների մասնակցությամբ, որը շարունակվեց մինչև 1995 թվականը: Ըստ փորձագետների, մոտ 100 հազար մարդ զոհվեց Բոսնիայում և Հերցոգովինայում, որի բնակչությունը մինչ պատերազմը 4 միլիոն էր:
Ինչպես նշում են ռազմական փորձագետները, Բոսնիայի պատերազմը իր դաժանության ու արյունահեղության աստիճանով առանձնանում է նույնիսկ Հարավսլավիայի փլուզման ողբերգության ֆոնի վրա, որը սկսվեց Սլովենիայի և Խորվաթիայի անջատումից և շարունակվում է մինչ օրս Կոսովոյի հակամարտության տեսքով: Բացի այդ, կա պատերազմի կրկնության հավանականություն, եթե լինի Արևմուտքի տերերի պատվերը կամ Եվրոպայի իրավիճակի ընդհանուր ապակայունացման ֆոնի վրա (ինչը և տեղի է ունենում):
Պաշտոնապես համարվում է, որ հակամարտության պատճառը խորքային ներքին ազգամիջյան ու միջկրոնական հակամարտություններն են, իսկ ՄԱԿ, ԵՄ և ԱՄՆ, ՆԱՏՕ-ի, ծայրահեղական իսլամիստական ուժերի միջամտությունը երկրորդական էր: Բայց իրականում արտաքին ուժերը ոչ միայն չնպաստեցին, որ դեռ բեղմնավորման շրջանում գտնվող հակամարտությունը մարի, այլ նախաձեռնող եղան ու առավելագույն ջանքերը գործադրեցին այն բորբոքելու համար:
Ծայրահեղական տրամադրությունների բորբոքման գործում մեծ եղավ ամերիկյան ոչ կառավարական Rabita կազմակերպության դերը, որի նպատակն էր միավորել մոլորակի մահմեդականներին և ապահովել պանիսլամիստական շարժման գլոբալիզացմանը նսպաստող ռազմաքաղաքական և տեղեկատվական աջակցություն:
WikiLeaks կայքը բացվեց 2006 թվականի դեկտեմբերի 29-ին մի խումբ անձանց կողմից, որի գլխավոր ներկայացուցիչը հետագայում դարձավ ավստրալացի Ջուլիան Ասանժը: Կայքը նախատեսված էր տարբեր գաղտնի ու փակ փաստաթղթերի զետեղման համար, որոնք բացահայտում էին կոռուպցիան և չարաշահումները պետական մարմիններում, գրում է Lenta.ru-ն:
WikiLeaks-ի նպատակն էր կոռուպցիայի բացահայտումը Միջին Ասիայի երկրներում, Չինաստանում ու Ռուսաստանում, կարևոր դեր ուներ նաև Արևմուտքի կառավարությունների ու կորպորացիայի գաղտնի գործունեության լուսաբանումը:
WikiLeaks-ը ֆինանսավորվում էր նվիրատվությունների հաշվին, այդ թվում որոշ խոշոր կազմակերպությունների կողմից: Կայքի բյուջեն գնահատվել է 175 հազար դոլար, իսկ հիմնական խմբագիրներից բացի, որոնք, ըստ Ասանժի, 5 էին, կայքի աշխատանքին մասնակցել է մոտ 800 մարդ: