Lurer.com-ը գրում է.

«Կրոկուս Սիթի Հոլ»-ի հանդերձարանում աշխատող դպրոցականը կարողացել է օգնել ավելի քան 100 մարդու լքել այրվող համերգասրահը։ Այս մասին հայտնում է Mash տելեգրամյան ալիքը։

Պատանու անունն Իսլամ է, նա 15 տարեկան է։ Նրա խոսքով՝ աշխատանքի սկսվելուց առաջ հրահանգներ են տրվել արտակարգ իրավիճակների դեպքում, և ինքը խստորեն հետևել է այդ հրահանգներին, երբ սկսվել է միջադեպը։ Հրաձգության և դրան հաջորդած հրդեհի ժամանակ Իսլամը կարողացել է ցնցված ամբոխին դուրս բերել նեղ միջանցքով դեպի «Էքսպո»-ի տաղավար, այնուհետև սպասարկման տարածքով՝ դեպի փողոց:

«Ազատ ժամանակ տղան փող է վաստակում հանդերձարանում և ֆուտբոլ խաղում «Սպարտակի» մանկական թիմում»,- ասվում է հրապարակման մեջ:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել