Bravo.am-ը գրում է.
Ամերիկաբնակ երգչուհի Անի Քրիստին հյուրընկալվել է Ամալյա Հովհաննիսյանի «LIFEROOM» հաղորդաշարին եւ անկեղծ խոսել մայրանալու, ամուսնու հետ հարաբերությունների, երկար տարիներ անց ծնողների հանդիպման եւ այլ թեմաների շուրջ։
Մայրանալու ցանկության մասին
Միշտ սիրել եմ ընտանիքը, բայց շատ լուրջ եմ վերաբերվել այդ հարցին։ Մայրանալու մասին սկսել եմ երազել վերջին երկու տարում, որովհետեւ համարել եմ՝ իմ ամուսինն այն մարդն է, որից կցանկանամ բալիկ ունենալ։ Դրանից առաջ ոչ թե չեմ ուզել մայրանալ, այլ ուղղակի ճիշտ մարդ չեմ գտել իմ կյանքում, որ կուզեի՝ իմ բալիկի պապան լիներ։
«Եվս մի հղիություն եղավ, որն ուղղակի ընդհատվեց»
Հետաքրքիր մի բան ասեմ, որովհետեւ կարող է լինեն մարդիկ՝ իմ խոսքը մի փոքր օգնի իրենց։ Իմ բալիկից առաջ ունեցա եւս մեկ հղիություն, որն ուղղակի ընդհատվեց, իսկ պատճառը չհասկացանք։ Երեխայի սիրտը կանգնել էր։ Իհարկե, փոքր էր հղիությունս, բայց այդպես եղավ։ Հետո ինձ ախտորոշեցին արյան խտացում, որի մասին մարդը կարող է չիմանալ նախքան հղիությունը։ Փառք Տիրոջը, վերջապես գտա խնդրի լուծումը, եւ բալիկս լույս աշխարհ է եկել։
«Ամուսինս համեստ մարդ է»
Անկեղծ ասած՝ երկար տեւեց։ Մենք հինգ տարի հանդիպել ենք, ապրել միասին եւ միայն վերջին երկու տարում է, որ մտածել եմ երեխա ունենալու մասին։ Որովհետեւ մենք շատ բարդ փուլեր ենք ունեցել, երկուսս էլ անհատականություն ենք, մեր «բզիկներն» ունենք, իսկ իմ համոզմամբ՝ երեխան պիտի խաղաղ ընտանիքում ծնվի։ Եվ իմ բալիկը ծնվեց այն ժամանակ, երբ այդ խաղաղությունը եկավ մեր տուն։ Ամուսինս շատ համեստ մարդ է այդ առումով. մեր տանը խոսակցություն չի եղել, թե բա ե՞րբ ես ուզում երեխա ունենանք։ Ասել է, որ շատ է ուզում պապա դառնալ, բայց շատ զուսպ է եղել այդ հարցում։
Ամբողջական հոդվածը կարող եք կարդալ այստեղ:
