10. Բանգկոկ, Թայլանդ
2012թ.-ին և վերջին տարիներին Թայլանդի սնդուսափայլ մայրաքաղաքը աշխարհում ամենաշատ այցելություններ գրանցած վայրն է: Զարմանալի չէ, որ Բանգկոկը աշխույժ ու բազմագույն գիշերային կյանք ունի: Բանգկոկը լի է տանիքներին տեղակայված բարերով, պարային ակումբներով, թրենդային, ռոքային բարերով, որոնք կբավարարեն գիշերային կյանքով ապրողների տարբեր նախասիրությունները:
9. Բուենոս Այրես, Արգենտինա
Այս հարավամերիկյան մեգաքաղաքը անհավանական գիշերային կյանք ունի, որը նաև բավականնին երկար է տևում: Արգենտինայի էկզոտիկ այս քաղաքում բազմաթիվ գիշերային ակումբներ կան, կոկտեյլային բարեր, փաբեր ու հրաշալի ռեստորաններ: Պետք է նշել, որ այստեղ գիշերային կյանքի վրա նույնպես իրենց ազդեցությունն են թողել տանգոն ու լատինաամերիկյան ռիթմերը:
8. Բեռլին, Գերմանիա
Գերմանիայի մայրաքաղաք Բեռլինը հայտնի է իր անվերջանալի գիշերային կյանքով: Աշխարհի ոչ մի քաղաք այսքան բազմազան ակումբներ չունի, որքան Բեռլինը: Այստեղ հնարավոր է գտնել ռետրո ոճի փաբերից մինչև դասական գինու բարեր ու ժամանակակից տարբեր նորարարական հետաքրքիր հաստատություններ, նկուղային հարկերում խնջույքների հրապարակներ, ինչպես նաև վայրեր, որտեղ կարող եք վայելել կենդանի երաժշտություն:
7. Նյու Յորք, ԱՄՆ
Կարելի է ասել, որ Նյու Յորքն այն վայրն է, որտեղ ծնունդ են առել երեկույթները: Անընդունելի կլիներ այս ցանկում չներառել Նյու Յորքը: Այստեղ դուք կարող եք գտնել հսկայական ակումբներ, էլեգանտ լաունջ բարեր, կոկտեյլային բարեր, վինտաժային փաբեր և այս ամենն օրվա յուրաքանչյուր պահի` գիշեր, թե ցերեկ: DJ-ների ու ակումբների սիրահարների համար Մանհեթենը համարվում է երեկույթների մասնակցելու հիմնական կենտրոնը: Իսկ եթե դուք չեք սիրում գիշերային ակումբներ ու բարեր հաճախել, ապա կարող եք վայելել Նյու Յորքի հրաշալի ռեստորանները, որտեղ կարող եք բազմատեսակ ուտեստներ համտեսել, խմել և պարել: Նյու Յորքը շատ ավելին կարող է առաջարկել, քան միայն ալկոհոլը, պարերը, ակումբներն ու բարերը: Միշտ կարելի է հետաքրքիր բան գտնել Բրոդվեյում ու Թայմս հրապարակում: Այս երբեք չքնող քաղաքում հնարավոր չէ ձանձրանալ:
6. Մայամի, Ֆլորիդա, ԱՄՆ
Այս գեղեցիկ ծովափնյա քաղաքում կարելի է բազմաթիվ հրաշալի բարեր, ակումբներ ու այնպիսի վայրեր գտնել, որտեղ էքստրավագանտ ու էկզոտիկ զվարճանք կարելի է ապրել: Հարավային լողափը հայտնի է երեկութային տրամադրությամբ, որտեղ մարդիկ հավաքվում ու վայելում են աշխույժ գիշերային կյանքը: Մայամիի լողափնյա բոլոր հյուրանոցներն իրենց բարերը ունեն:
5. Իբիզա, Իսպանիա
Իբիզան իսպանական կղզի է: Այն հայտնի է աշխարհի ամենալավ գիշերային ակումբներով, DJ-ներով, ովքեր ամեն ամառ հավաքվում են այստեղ` տարբեր ակումբներում նվագելու համար: Այս կղզի շատ են այցելում կարճ` մեկշաբաթյա հանգիստ վայելել ցանկացողները, ովքեր պարում ու զվարճանում են Իբիզայի հրաշալի ակումբներում: Կղզին իրենից բնական գեղեցկություն է ներկայացնում: Այստեղ գոյություն ունեն ՄԱԿ-ի կողմից համաշխարհային ժառանգություն համարվող մի քանի վայրեր: Պետք է նշել, որ ակումբներն այստեղ տնտեսության զարգացման հիմնական ոլորտն են: Կղզին երբեմն նույնիսկ անվանում են ակումբների սիրահարների աշխարհի մայրաքաղաք, քանի որ այստեղ են գալիս աշխարհի տարբեր անկյուններից ակումբային կյանքի սիրահարներ: Ամենահայտնի ակումբներից են «Սպեյսը», «Ամնեզիան» և «Պաչան»: Կղզին այնքան փոքր է, որ կարելի է ընդամենը երեք ժամում դրա ամբողջ տարածքով մեկ երթևեկել:
4. Լոնդոն, Միացյալ Թագավորություն
Բեծ Բրիտանիայի մայրաքաղաքը բազմաթիվ հետաքրքիր վայրեր ունի, որտեղ թվում է, թե զվարճանքը երբեք վերջ չունի, մասնավորապես «Մայֆերը», «Քեյմդենը» «Պիկադիլի» հրապարակը, Հարավային Կենսինգթոնը և այլն: Լոնդոնի ակումբները լի են աշխարհի տարբեր անկյուններից այստեղ եկած մարդկանցով: Այստեղ կարելի է բազմաթիվ կոկտեյլային, թրենդային բարեր գտնել, սուպեր ակումբներ և գիշերային թատերական բարեր: Գիշերային կյանք վարող մարդկանց բոլոր նախասիրություններին համապատասխան վայրեր կարելի է գտնել Լոնդոնում:
3. Ամստերդամ, Հոլանդիա
Ամստերդամը առանձանում է իր գեղեցիկ ճարտարապետությամբ, սակայն այդ հրաշալի կառույցների ետևում թաքնված է «մեղքերով» լի կյանքը: Այստեղ թմրանյութերով լցված թխվածքներ են մատուցում բազմաթիվ բարերում: Շոկային կարող է հնչել, սակայն այստեղ կանայք են տրվում վարձով, ովքեր ցուցադրության են հանված փողոցներում տեղակայված ապակե սրճարաններում: Ամստերդամը միայն մեծահասակների համար ժամանակն անցկացնելու և զվարճանալու համար վայր է, ուր ամեն տարի միլիոնավոր զբոսաշրջիկներ են այցելում: Երևի եվրոպական ոչ մի քաղաքում չեք գտնի ուրիշ մի վայր, որտեղ թմրադեղերը օրինական են, կանայք` մատչելի, իսկ ալկոհոլն` այդքան թունդ:
2. Ռիո դե Ժանեյրո, Բրազիլիա
Եթե ուշադիր լինեք, կտեսնեք, որ Ռիո դե Ժանեյրոն ամբողջովին փոխվում է գիշերը: Գիշերային կյանքն այստեղ բուռն է: Այն լի է գույներով, կրքերով ու ոգով կլոր տարին շարունակ: Այստեղ բոլորը սիրախաղեր են ունենում, խմում ու պարում, նույնիսկ երբ կարնավալն ավարտված է: Բոլոր տեղացիներն ու զբոսաշրջիկները ամբողջ գիշեր զվարճանում ու պարում են քաղաքի նորաձև բարերում ու ակումբներում, ինչպես օրինակ` «Լոնդրա» բարը Ֆասենո հյուրանոցում: Սա աշխարհի լավագույն քաղաքներից մեկն է, որտեղ հարաբերականորեն կարելի է ավելի քիչ գումար ծախսել և ավելի շատ զվարճանալ: Ռիոյում նույնիսկ բացօթյա` փողոցներում են պարում ու զվարճանում, ինչպես նաև փոքրիկ հրապարակներում և լողափերին:
1. Լաս Վեգաս, Նևադա, ԱՄՆ
Լաս Վեգասը անկասկած աշխարհի համար մեկ քաղաքն է գիշերային կյանքի սիրահարների համար: Նևադայի անապատի սրտում գտնվող այս քաղաքը լի է նեոնային լուսավորությամբ, որոնք ամեն անկյունից լուսարձակում են հյուրանոցների, խաղատների, ակումբների, առևտրի կենտրոնների շենքերից: Այստեղ հնարավոր է բավարարել յուրաքանչյուր քմահաճույք` լինի դա խմելը, դրամախաղը, թե մեկ այլ բան: Ուղղակի մի փոքրիկ զգուշացում. այն, ինչ տեղի է ունենում Լաս Վեգասում, միշտ չէ, որ կարող է մնալ հենց այնտեղ, քանի որ քաղաքը լի է այնպիսի մարդկանցով, ովքեր, խցկվելով ձեր անձնական կյանք, կարող են տեսաձայնագրել կամ լուսանկարել ձեզ` այնուհետև այն օգտագործելով ձեր դեմ:
