1in.am-ը գրում է.
Tuttomercatoweb.com-ի փոխանցմամբ՝ Դորտմունդի «Բորուսիա»-ի ղեկավարությունը ցանկանում է թիմ հրավիրել Մադրիդի «Ռեալ»-ի ավագ Իկեր Կասիլյասին:
Ինչպես գիտեք, «Արքայական ակումբ»-ի նախկին գլխավոր մարզիչ Ժոզե Մոուրինյոն Կասիլյասին դուրս էր թողել թիմի մեկնարկային կազմից, իսկ հիմա նույն կերպ է վարվում նաև Կարլո Անչելոտին:
Իսպանական մամուլում շարունակվում են տարատեսակ տեղեկություններ շրջանառվել Իսպանիայի ազգային հավաքականի ֆուտբոլիստի՝ ակումբային գրանցումը փոխելու մասին:
Իկերը ցանկանում է տեղ ունենալ իր թիմի մեկնարկային կազմում, քանի որ խաղային պրակտիկայի բացակայության պատճառով նա կարող է պահեստայինների նստարանին մնալ նաև «Մունդիալ-2014»-ի ժամանակ:
AS-ի փոխանցմամբ՝ դորտմունդյան ակումբի ներկայացուցիչներն արդեն կապ են հաստատել «Ռեալ»-ի ղեկավարության հետ: