Գիտնականները ստեղծել են շան հեռակառավարման վահանակ

Aysor.am-ը գրում է.

ԱՄՆ-ի Օբեռնի համալսարանի գիտնականները ստեղծել են շանը ուղղված հրամանների հեռահար փոխանցման վահանակ:

Dni.ru-ի փոխանցմամբ, ինժեներ-մեխանիկ Ջեֆ Միլերի և Դեվիդ Բևլայեմի կողմից ստեղծված սարքը բաղկացած է միկրոպրոցեսորից, անլար ռադիոյից, GPS ընդունիչից և ձայնային որոնման համակարգից:

Այդ ամենը տեղակայված է շան վրա ամրացվող պայուսակում, որը վիբրացիա և ձայնային ազդանշաններ է փոխանցում շանը:

Շների վրա իրականացված փորձերը ցույց են տվել, որ կենդանիների 87% հեշտությամբ ընկալում է նոր սարքի օգնությամբ տրված հրամանները:

Նշվում է, որ սարքը կարող է օգտագործվել այն դեպքերում, երբ շան տերը չի կարող ֆիզիկապես ուղեկցել կենդանուն: