«Հրապարակ» օրաթերթը գրում է.
Շաբաթ օրն ինդուլգենցիա ստացած Լիսկան մեկնել է Գորիս՝ ընդունելու աչքալուսանքները որդու և Զարզանդի ազատ արձակման կապակցությամբ:
Ասում են՝ մինչև հիմա մարզային ոստիկանությունը Լիսկայի «խնդրանքով» հսկում էր նրա գորիսյան «օրրանը», որի մոտ տեղի են ունեցել հայտնի դեպքերը: Որոշ տեղեկություններով, առաջիկայում քրեական գործը կարճելու են նաև Արտակ Բուդաղյանի նկատմամբ:
«Ըստ ամենայնի՝ հեռավոր հաշտեցում է տեղի ունեցել Խաչատրյանների և Բուդաղյանների միջև, թե չէ Լիսկան դժվար վերադառնար Գորիս»՝ ասում են գորիսեցիները:
Ըստ թերթի աղբյուրների, Լիսկան որդու անգլերենի ուսուցչի՝ Աժ պատգամավոր Հայկ Գրիգորյանի հետ բանակցում է հաջորդ փուլի մասով, ցանկանում է պատգամավոր ընտրվել թիվ 37 ընտրատարածքից. Հայկը վայր կդնի մանդատը, որպեսզի Լիսկան այլևս դառնա խորհրդարանի «ցար ի բոգը»: