1in.am-ը գրում է.

Գրոհայինները կրակ են բացել Եգիպտոսի երիտասարդական «Տամարրուդ» (Խռովություն) շարժման առաջնորդի մեքենայի ուղղությամբ: Անձամբ Մահմուդ Բադրն էր բազմաթիվ բողոքի ակցիաներ նախաձեռնել նախկին նախագահ Մուհամմադ Մուրսիի դեմ: Այս մասին հայտնում է Reuters գործակալությունը:

Գործակալության տվյալներով՝ միջադեպի հետևանքով Բադրը չի տուժել: Ներկայում Եգիպտոսի իրավապահ մարմինները պարզում են, թե արդյոք հարձակումը կրե՞լ է քաղաքական բնույթ: 

«Տամարրուդ» քաղաքական շարժումն էր հունիսի 30-ին կազմակերպել բազմամիլիոնանոց բողոքի ակցիա, որի արդյունքում իշխանությունից հեռացվեց Մուրսին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել