1in.am-ը գրում է.
5-ամյա Ջեյկոբ Վելասքեսը, չնայած շատ ընդհանրություններին, տարբերվում է իր հասակակիցներից նրանով, որ կարողանում է յուրացնել սոնատը մեկ օրվա ընթացքում: Այս մասին հաղորդում է Localio-ն:
Մոտ մեկ տարի առաջ տղայի մայրը՝ Թինա Վելասքեսը, խոհանոցում պատրաստելիս երաժշտության ձայն է լսել և կարծել է, թե իր ամուսինն է նվագում: Շատ մեծ է եղել նրա զարմանքը, երբ տեսել է, որ նվագողը որդին է:
Իր կյանքում առաջին անգամ երաժշտական գործիքի վրա նվագելուց հետո Ֆլորիդա նահանգի այն ժամանակ 4-ամյա բնակիչը սովորել է կարդալ նոտաները, իսկ 3 շաբաթվա ընթացքում սովորել է Բեթհովենի սոնատները:
Բանն այն է, որ տղան շատ լավ հիշողություն ունի: Երաժշտական ստեղծագործությունն անգիր հիշելու համար բավական է, որ նա միայն մեկ անգամ կարդա նոտաները:
Այժմ արդեն տղան պարապում է ուսուցչի հետ, ով օգնում է նրան յուրացնել դաշնամուր նվագելու ճիշտ տեխնիկան: