Արմեն Աշոտյանի ապօրինի կալանավորման դեմ ընդդիմությունը հերթական ակցիան է իրականացրել ՀՀ գլխավոր դատախազության շենքի մոտ՝ ջանալով Վարդապետյան Աննային հասցնել այն կարևոր մեսիջը, որ գլխավոր դատախազի՝ Նիկոլին հլու-հնազանդ ծառայելու պատրաստակամությունը, երբ ժամանակը գա, ոչ թե գնահատվելու է որպես պետությանը կարևոր ծառայությունների մատուցման անխոնջ ջանք, այլ ընդամենը դառնալու է շատ լավ հիմք՝ շեֆի հետ վասալին էլ բանտ նետելու:

Իսկ որ այդ ժամանակը գալու է, Վարդապետյան Աննան գոնե կարող է չկասկածել. Նիկոլի իշխանությունը մազից է կախված ու չափազանց թույլ է, և եթե հանկարծ պայմանավորված աշխարհաքաղաքական իրողություններով նրա իշխանության շահառուներից առնվազը մեկի համար այլևս ձեռնտու չլինի աննավարդապետյանների իշխանությունը, Նիկոլը դուրս է թռնելու շամպայնի «պռոպկայի» նման՝ ստիպված լինելով ընտանյոք հանդերձ Հայաստանից մաքրվել կամ հայտնվել քրեակատարողական մեկուսարանում:

Նիկոլին ծառայել-չծառայելու մասին որոշումն ուղղակիորեն առնչվում է Վարդապետյան Աննայի երիտասարդ ճակատագրին, քանի որ ստացվել է այնպես, որ հենց նա է դարձել այն գործիքը, որի միջոցով Նիկոլն ուզում է լռեցնել Աշոտյանի ազդու խոսքը, իսկ եթե նույն գլխավոր դատախազն ունի հույսեր, թե կարող է Նիկոլի ինքնաթիռում անձամբ տեղ գտնել, ապա դրանք չափազանց սին են. Նիկոլը թռնելու է՝ աննաներին թողնելով միայնակ արդարադրատության հետ երես երեսի:

Այնպես որ՝ ընտրությունն Աննայինն է, և այն իսկապես ճակատագրական է…
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել