Հազվադեպ եմ տեսել, որ չեմպիոնության հավակնորդ թիմում խաղացողներ լինեն, որոնց կարելի է սուլել․ Անրի

Armsport.am-ը գրում է․

Ֆրանսիացի նախկին հարձակվող Թիերի Անրին խոսել է ՊՍԺ-ի երկրպագուների մասին, որոնք սուլել են արգենտինացի հարձակվող Լիոնել Մեսսիին Ֆրանսիայի առաջնության 35-րդ տուրի «Այաչոյի» հետ խաղում (5:0):

«Սա առաջին անգամը չէ, որ նրան սուլում են: Մարդիկ կասեն, որ նա արժանի էր դրան։ Սակայն նրա հասցեին սուլելը տեղին չէ, քանի որ ոչ ոք չպետք է բարձր լինի ակումբից։ Եվ ես հազվադեպ եմ տեսել, որ չեմպիոնության հավակնորդ թիմում խաղացողներ լինեն, որոնց կարելի է սուլել: Մեսսին երբեք խնդիր չի եղել, երբ ես խաղում էի նրա հետ, նա միշտ լուծում է եղել»,- Անրիի խոսքերն է մեջբերում Sport.es-ը։

Մեսսին ՊՍԺ-ում է 2021 թվականից։