«Կոմերսանտ»-ին հայտնի է դարձել, որ այսօր Թուրքիայի մայրաքաղաք Անկարայում բանակցություններ են ընթանում ռուսական և ամերիկյան պատվիրակությունների միջև։ Ռուսական կողմից Անկարա է մեկնել Արտաքին հետախուզության ծառայության տնօրեն Սերգեյ Նարիշկինը։

Այս հանդիպման մասին նախկինում հրապարակավ չի հայտարարվել։ Աղբյուրը առայժմ հրաժարվում է բանակցությունների մանրամասները հայտնել:

Ռուսաստանի նախագահի մամուլի քարտուղար Դմիտրի Պեսկովը հայտարարել է, որ չի կարող ո՛չ հաստատել, ո՛չ հերքել Անկարայում բանակցությունների մասին տեղեկատվությունը։

Վերջին անգամ ռուսական և ամերիկյան պատվիրակությունները հանդիպել են այս տարվա հունվարի 10-ին՝ Ժնևում անվտանգության երաշխիքների շուրջ բանակցությունների համար։ Հունվարյան բանակցային գործընթացի գործնական արդյունքների բացակայությունը հաճախ դիտվում է որպես Ուկրաինայում ռազմական գործողությունների բռնկման դիվանագիտական նախադրյալ։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել