Ռուսաստանի նախագահ Վլադիմիր Պուտինը Թուրքիայի նախագահ Թայիփ Էրդողանի հետ հեռախոսազրույցի ընթացքում վստահեցրել է նրան, որ Ուկրաինայում միջուկային զենք կիրառելու ծրագրեր չկան։ Այս մասին հինգշաբթի հայտարարել է Թուրքիայի ղեկավարի պաշտոնական ներկայացուցիչ Իբրահիմ Քալընը։

«Հեռախոսազրույցների ընթացքում ռուսական կողմը Թուրքիային հավաստիացրել է, որ միջուկային զենք կիրառելու ծրագրեր չկան, իսկ ուկրաինական կողմն իր հերթին հերքել է «կեղտոտ զենքի» կիրառման նախապատրաստման մասին մեղադրանքները», - մեջբերում է TRT-ն Քալընի խոսքերը:

Թուրքիայի նախագահի ներկայացուցչի խոսքով՝ Անկարան մտադիր է հակամարտող կողմերին հրավիրել վերադառնալ խաղաղ կարգավորման բանակցություններին։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել