ՍԵՊՏԵՄԲԵՐ ամիսը էապէս ամէն տեսակ աշխատանքի վերադարձի ամիս է... Շինարար թէ բանուոր, մտաւորական թէ շարքային մարդ կարծէք ՆՈՐ ԱՒԻՒՆՈՎ կը լեցուին՝ աշխատելու, կառուցելու, ստեղծագործելու....նորոգ արժեւորելով միաժամանակ ԱՇԽԱՏԱՆՔԻ ԿԱՐԵՒՈՐՈՒԹԻՒՆԸ մարդ էակի կեանքէն ներս: Արդարեւ, աշխատանքն է, որ իմաստ ու բովանդակութիւն կու տայ կեանքին, ներքին գոհունակութիւն՝ զայն կատարողին... Տակաւին, աշխատանքը, ինքնամոռաց աշխատանքը, մեզ կ՛ազատագրէ մեր ԵՍ-ի բռնակալութենէն, այսինքն` մեր սեփական անձերէն ու կեանքի մանրուքներու առթած անպտուղ հնհնուքէն... ԵՐԱՆԻ՛ ԱՆՈՐ, ՈՐ Կ՛ԱՇԽԱՏԻ ՆԵՐԴՆԵԼՈՎ ԻՐ ՀԱՄԱԿ ԵՌԱՆԴԸ, ՍԻՐՏՆ ՈՒ ՀՈԳԻՆ: Միայն այն պարագային է որ մեր կատարած գործը ԿԸ ՊՏՂԱՒՈՐՈՒԻ ԲԱԶՄԱՊԱՏԻԿ, ՏԱԼՈՎ ԼԱՒԱԳՈՅՆ ԱՐԴԻՒՆՔՆԵՐ: Մեր փոքրաթիւ ժողովուրդը յատկապէս պիտի անդուլ մաքառի ու եռանդագին աշխատի՝ կառուցելու համար հզօր հայրենիք, որակաւոր եւ արժանապատիւ ժողովուրդ: ԱՇԽԱՏԱՆՔԸ ՄԵՐ ՅՈՅՍՆ ՈՒ ԼՈՅՍՆ Է:
