Iravaban.net-ը գրում է.
ԲԴԽ-ն բավարարել է դատավոր Արուսյակ Ալեքսանյանի նկատմամբ քրեական հետապնդում հարուցելու և ազատությունից զրկելուն համաձայնություն տալու միջնորդությունները: Այս մասին Iravaban.net-ի հետ զրույցում հայտնել է խորհրդի մամուլի քարտուղար Լիլիթ Շաբոյանը։
«Դատախազության կողմից այսօր ԲԴԽ ներկայացված երկու միջնորդություններն էլ բավարարվել են»,-նշել է նա։
Հիշեցնենք, որ Գլխավոր դատախազը միջնորդություն էր ներկայացրել ԲԴԽ դատավոր Արուսյակ Ալեքսանյանի նկատմամբ քրեական հետապնդում հարուցելու վերաբերյալ համաձայնության հարցով:
Նույն վարույթի շրջանակներում մեղադրանք է առաջադրվել նաև փաստաբան Էրիկ Ալեքսանյանին։ Ըստ վարույթն իրականացնող մարմնի՝ վերջինս օժանդակել է պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելուն կամ լիազորություններն անցնելուն։
Նշենք, որ Արուսյակ Ալեքսանյանը պրոդյուսեր Արմեն Գրիգորյանին կալանավորելու վերաբերյալ որոշում կայացրած դատավորն է եղել:
