Վաղը՝ դպրոցական ԱՌԱՋԻՆ ԶԱՆԳԸ կը հնչէ հայրենիքի մէջ, մեր մօտ ալ՝ շաբաթ մը ետք միայն: Առանձին խորհուրդ ունի կարծէք ուսումնական տարուան առաջին օրը, երբ աշակերտներ, ամառուան երեքամսեայ հանգիստէն ետք, կը վերադառնան դպրոց....Դպրոցին շրջաբակը կը լեցուի հայերէնահունչ ուրախ գոռում-գոչումով, խօսք ու զրոյցով....Տակաւին շատեր՝ ամէնէն փոքրերը, տատամսոտ քայլերով առաջին անգամ ոտք կը դնեն դպրոցական սեմէն ներս, վարանոտ ու շուարուն....ՀԱՅ ԴՊՐՈՑԸ մեզի համար եղեր է ժառանգորդը ՄԵՍՐՈՊԱՀԻՄՆ դպրոցին՝ դար ու դարեր առաջ: Փոխուեր են ժամանակները, փոխուեր են պայմանները, բայց ՀԻՄՆԱԿԱՆ ՍԿԶԲՈՒՆՔԸ հայեցի կրթութեան մնացեր է նոյնը՝ ՃԱՆԱՉԵԼ ԶԻՄԱՍՏՈՒԹԻՒՆ ԵՒ ԶԽՐԱՏ, ԻՄԱՆԱԼ ԶԲԱՆՍ ՀԱՆՃԱՐՈՅ....Թող այս խորիմաստ նախադասութեան նորոգ գիտակցութեամբ եւ ապրումով լեցուի իւրաքանչիւր դաստիարակ, իւրաքանչիւր ուսանող, իւրաքանչիւր ծնողք....ԲԱՐԻ՛, ԲԵՂՈՒՆ ԵՒ ԱՐԴԻՒՆԱՇԱՏ ՈՒՍՈՒՄՆԱԿԱՆ ՏԱՐԻ ԲՈԼՈՐԻՆ:
