Նիկոլի ՄԻՊ-ը դիմել է Սահմանադրական դատարան՝ վիճարկելով հանրային ծառայության առանձին տեսակների համար սահմանված՝ արհեստակցական միություններին և կրոնական կազմակերպություններին անդամակցության արգելքի սահմանադրականությունը։ Ինչպես տեղեկացրել են ՄԻՊ գրասենյակից, խոսքը վերաբերում է «Ոստիկանությունում ծառայության մասին» օրենքի 39-րդ հոդվածի 1-ին մասի 7-րդ կետին, «Արհեստակցական միությունների մասին» օրենքի 6-րդ հոդվածի 5-րդ մասին, «Ազգային անվտանգության մարմիններում ծառայության մասին» օրենքի 43-րդ 1-ին մասի 8-րդ, «Զինվորական ծառայության և զինծառայողի կարգավիճակի մասին» օրենքի 8-րդ հոդվածի 1-ին մասի 3-րդ կետերին, որոնցով ՀՀ ոստիկանության, ազգային անվտանգության մարմիններում ծառայողների, զինծառայողների, դատախազների, դատավորների և Սահմանադրական դատարանի դատավորների համար նախատեսվում է արհեստակցական միություններին անդամակցելու, ազգային անվտանգության մարմիններում ծառայողների համար նաև՝ կրոնական կազմակերպություններին անդամակցելու, իսկ զինծառայողների համար՝ կրոնական միավորում ստեղծելու բացարձակ արգելք:

Թե որն է խորքային նպատակը, պարզից էլ պարզ է. ՄԻՊ-ը, որը Հայաստանում առաջ է տանում թուրք-արևմտյան օրակարգը, ցանկանում է ստեղծել համապատասխան իրավական բազա, որը թույլ կտա շատ կարճ ժամանակամիջոցում ուժային կառույցները և, մասնավրապես, նույն ԱԱԾ-ն լցնել աղանդավորներով, դրսից կառավարվող տարբեր աղանդավորական կազմակերպությունների անդամ հանդիսացողներով, որոնց հիմնական թիրախն իրականում ոչ միայն հայ եկեղեցին է, այլև ազգային անվտանգությունը՝ նկատի ունենալով այն պարզ ճշմարտությունը, որ օտատարածին ու արևմտյան կենտրոններից կառավարվող աղանդները նաև, ըստ էության, լրտեսական ցանցեր են, որոնք սերտորեն համագործակցում են արևմտյան հատուկ ծառայությունների հետ:

Հեղափոխությունից եհոտ Նիկոլը կարճ ժամանակում միանգամից մի քանի ԱԱԾ պետ փոխեց ու պաշտպանության նախարար, ինչը, բնականբար, խիստ բացասաբար անդրադարձավ այդ կառույցների արդյունավետության վրա: Հիմա էլ, փաստորեն, նույն այդ կառույցները կարող են լցվել աղանդներով՝ զրոյացնելով դրանց գոյության իմաստը: Վտանգը հատկապես ԱԱԾ-ի պարագայում է մեծ, քանի որ այն կարող է հայտնվել թուրքերի ուղիղ թիրախում նույն արևմտյան տարբեր խողովակների միջոցով, ինչը վերջին մեխը կլինի՝ հայոց պետականության դագաղին խփվող:
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել