Armsport.am-ը գրում է․

ՊՍԺ-ն համաձայնության է եկել «Լիլի» հետ կիսապաշտպան Ռենատու Սանչեշի՝ փարիզյան ակումբ տեղափոխության հարցում։ Այս մասին հայտնում է L’Équipe-ը։

Տրանսֆերի գումարը կկազմի 15 մլն եվրո։ 24-ամյա պորտուգալացու հետ ՊՍԺ-ի պայմանագրի մանրամասները չեն բացահայտվել։

Բացի փարիզյան ակումբից, Սանչեշի տրանսֆերին հավակնում էր նաև «Միլանը»: Սակայն ինքը՝ խաղացողը, հրաժարվել է տեղափոխվել իտալական ակումբ։

Սանչեշը «Լիլ» է տեղափոխվել 2019 թվականի ամռանը Մյունխենի «Բավարիայից»: Նա հաղթել է Լիգա 1-ը 2021 թվականին՝ Քրիստոֆ Գալտիեի գլխավորությամբ, ով այս ամառ գլխավորեց ՊՍԺ-ն:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել