ՌԴ Պետդումայի նախագահ Վյաչեսլավ Վոլոդինը Հայաստանի վարչապետ Նիկոլ Փաշինյանի հետ Երևանում կայացած հանդիպման ժամանակ քննարկել է Հավաքական անվտանգության պայմանագրի կազմակերպության (ՀԱՊԿ) անդամ երկրների օրենսդրությունների մոտարկման հարցը։ Այս մասին երկուշաբթի հայտնել է Պետդումայի մամուլի ծառայությունը։
Հանդիպման ընթացքում Վյաչեսլավ Վոլոդինը խոսել է ՀԱՊԿ ԽՎ խորհրդի առաջիկա նիստի օրակարգի մասին։ Կողմերը քննարկել են ՀԱՊԿ անդամ երկրների օրենսդրությունների մերձեցումն ու կազմակերպության զարգացումը:
Հանդիպումը կայացել է ՀԱՊԿ ԽՎ խորհրդի նիստից առաջ, որին մասնակցել են նաև վեհաժողովի խորհրդարանական այլ պատվիրակությունների ղեկավարներ։
Պատվիրակությունների ղեկավարները ծաղիկներ են դրել նաև Հաղթանակ զբոսայգում գտնվող Մայր Հայաստան հուշարձանին, հայտնում է Պետդումայի մամուլի ծառայությունը։
Վոլոդինը երկուշաբթի ժամանել է Երևան՝ անցկացնելու ՀԱՊԿ ԽՎ խորհրդի նիստին։
ՀԱՊԿ ԽՎ խորհուրդը կազմակերպում է վեհաժողովի աշխատանքները և բաղկացած է Հայաստանի, Բելառուսի, Ղազախստանի, Ղրղզստանի, Ռուսաստանի և Տաջիկստանի խորհրդարանների ղեկավարներից:
