Շրի Լանկայի ոստիկանությունը ներողություն է խնդրել շների զանգվածային հարսանիքի համար

Tert.am-ը գրում է.

Շրի Լանկայի ոստիկանությունը ներողություն է խնդրել օրեր առաջ Քենդի քաղաքում ոստիկանական շների հրապարակային ամուսնությունը կազմակերպելու համար։

Ինչպես նշում է independent.ie կայքը, 9 զույգին հագցրել են ինչպես կարգն է՝ ճերմակ քող, գլխարկներ, ինչից հետո կենդանիներին կանգնեցրել են հատուկ հարթակի վրա, որը երկրում օգտագործվում է հարսանիքների ժամանակ։

Ոստիկանական շների ամուսնությունը պաշտոնապես գրանցվել է՝ անասնաբույժների, ոստիկանության բարձրաստիճան պաշտոնյաների ու շարքային քաղաքացիների ներկայությամբ։ Այնուհետ նորապսակ շներին նստեցրել են ոստիկանական մեքենաներն ու տարել «մեղրամիսը վայելելու»։

Այս ամենը տեսագրվել է ու ցուցադրվել տեղի հեռուստատեսությամբ՝ դառնալով բազմաթիվ դժգոհությունների առիթ։

Ամբողջական հոդվածը կարող եք կարդալ այստեղ