Քանի որ արվեստագիտական շրջանակից լսել էինք, որ Արեւի ցուցասրահի «փակվելու» բուն պատճառը «գրին քարտ» շահելն ու ԱՄՆ մեկնելն է, փորձեցինք հասկանալ, թե ինչ է կատարվել: Քաղաքապետարանից մեր հարցերին պատասխանելով՝ տեղեկացրին, որ Արեւիկ Պետրոսյանի ցուցասրահի զբաղեցրած տարածքը՝ Տերյան 19 շենքում, պատկանում է մասնավոր անձի: «Իսկ մասնավոր անձն իրավունք ունի բացել իր տարածքում՝ ինչ ուզում է: Քաղաքապետարանը դրա հետ գործ չունի»,- ասաց քաղաքապետի խոսնակը:
Ո՞վ է Ձեզ ժամանակ տվել մինչեւ մայիսի 1-ը, ու ի՞նչ «զխտկվելու» նոր վայր են բացում Տերյան 19-ում՝ հարցրինք նկարչուհուն:
«Տարածքի տերն է որոշել: Մեկ ամիս առաջ ես չգիտեի, որ պետք է դադարեցնեմ 7 տարվա գործունեությունը: Հավանաբար, ավելի շահավետ պայմաններ են առաջարկել տարածքի տիրոջը»,- ասաց նա եւ հաստատեց, որ մեկնում է ԱՄՆ:
«Ես դեռ 5 տարի առաջ միտք ունեի բացել Արեւ Արթ» ցուցասրահ ԱՄՆ-ում եւ ստացել էի օրինական իրավունք, բայց այս տարիներին՝ պատերազմ եւ այլն, դեռ չեմ անցել գործնականին: Տղաս սահմանին է: Հիմա մեկնելու եմ մեկ ամսով, հանդիպումներ ունենամ եւ փոքր ցուցահանդեսներ կազմակերպեմ»,- ասաց Արեւիկ Պետրոսյանը՝ շեշտելով, որ ինքը նկարչուհի է եւ մեր զրույցի պահին էլ նկարում է: Արեւիկ Պետրոսյանի հայրը հայտնի նկարիչ Բենիկ Պետրոսյանն է, եղբայրը հայտնի ջազմեն Վահագն Հայրապետյանն է, իսկ մայրը մշակույթի նախկին փոխնախարար Ալիս Ադամյանն է։
Ամբողջական հոդվածը կարող եք կարդալ այս հասցեով՝ : https://hraparak.am/post/41d6b239dc5c5701058801db8bb849cc
© 2008 - 2021 «Հրապարակ օրաթերթ»
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել
