Lurer.com-ը գրում է.
Չեչնիայի ներքին գործերի նախարար Ռուսլան Ալխանովը Ուկրաինայում չեչեն մարտիկների տեղակայման վայր կատարած այցի ժամանակ խոստացել է, որ Կիևում ռազմական շքերթ կանցկացվի, որը կնշանավորի ռուսական զորքերի հաջողությունը «նենգ թշնամու նկատմամբ», ասել է Չեչնիայի ղեկավար Ռամզան Կադիրովը։
«Չեչնիայի Հանրապետության ներքին գործերի նախարար Ռուսլան Ալխանովն այցելել է ԴԺՀ-ի, ԼԺՀ-ի բնակչությանը բանդերովցիներից և նացիստական խմբավորումներից, ինչպես նաև այլ թափթփուկներից փրկելու հատուկ գործողությանը մասնակցող մարտիկների գտնվելու վայրն Ուկրաինայում»,- գրել է Կադիրովը Telegram-ի իր ալիքում։
Նրա խոսքով` Ալխանովը նշել է, որ «ռուսական զորքերի հաջողություններն Ուկրաինայի բոլոր ճակատներում և Չեչնիայի Հանրապետության ուժային կառույցների ներկայացուցիչների շոշափելի ներդրումը նենգ թշնամու դեմ հաղթանակում» կհանգեցնեն արդյունքի՝ ռազմական շքերթ Կիևում, «որին կմասնակցեն նաև մեր հատուկ տեխնիկայով չեչեն մարտիկները»։
