Lurer.com-ը գրում է.
Ավելի քան 30 լաբորատորիաներ Լվովում, Խարկովում և Պոլտավայում վտանգավոր վարակիչ նյութերով աշխատանքներ են իրականացրել՝ ԱՄՆ-ի գլխավորած ռազմական կենսաբանական ծրագրի շրջանակներում: Այս մասին հայտարարել է ՌԴ ԶՈւ ճառագայթային, քիմիական և կենսաբանական պաշտպանության զորքերի ղեկավար Իգոր Կիրիլովը։
«Ուկրաինայի տարածքում ձևավորվել է ցանց, որը ներառում է ավելի քան 30 կենսաբանական լաբորատորիա, որոնք կարելի է բաժանել գիտահետազոտականի և սանիտարահամաճարակայինի»,- ասել է նա ճեպազրույցում։
Կիրիլովը հավելել է, որ ընթացիկ աշխատանքի պատվիրատուն ԱՄՆ պաշտպանության նախարարության սպառնալիքների նվազեցման գրասենյակն է (DTRA):
«Ոչնչացման գործողությունների վերլուծությունը ցույց է տալիս Լվովի կենսաբանական լաբորատորիայում ժանտախտի, սիբիրախտի և բրուցելյոզի հարուցիչների հետ աշխատանքը»,- նշել է նա։
Կիրիլովն ընդգծել է, որ Խարկովում և Պոլտավայում աշխատել են դիֆթերիայի, սալմոնելոզի և դիզենտերիայի հարուցիչների հետ։
