Ըստ Բրեդ Փիթի Անջելինա Ջոլին ստել է իրեն և գաղտնի վաճառել իրենց համատեղ սեփականություն հանդիսացող գինեգործարանը ռուս օլիգարխի, և այժմ նա դատի է տալիս կնոջը՝ գործարքը չեղարկելու համար:
Փիթն ու Ջոլին Ֆրանսիայի Կորենս քաղաքում գտնվող Chateau Miraval-ը ձեռք էին բերել 2008 թվականին: Բրեդն ասում է, որ տարիների ընթացքում նա հսկայական գումար և ժամանակ է ներդրել գինեգործարանում, թեև ընդունում է, որ Անջելինան գնելիս սակարկել է և 28,4 միլիոն դոլար իջեցրել է գինը․ մոտ 40%:
Նախորդ տարվա հուլիսին Անջելինան դիմել է դատարան և հայտնել դատավորին, որ համաձայնության է եկել իր տոկոսները վաճառել անանուն անձի: Փիթն ասում է, որ սեպտեմբերին նա համաձայնել է թույլ տալ Անջելինային զբաղվել վաճառքով, սակայն հստակ հասկացրել է, որ ոչ թե համաձայնում է վաճառքին, այլ ինքը կվորոշի հավանություն տալ հնարավոր գնորդին թե ոչ։
Բրեդն ասում է, որ հոկտեմբերին ցնցվել է, երբ իմացել է, որ Tenute del Mondo անունով ընկերությունը, որը Stoli Group-ի դուստր ձեռնարկությունն է (օղոի արտադրող ընկերություն), որը վերահսկվում է ռուս օլիգարխ Յուրի Շեֆլերի կողմից, գնել է իր կնոջ մասնաբաժինը։