168.am-ը գրում է․

Քիչ առաջ Ազգային ժողովի (ԱԺ) իշխանական պատգամավորները հարձակվել են ընդդիմադիր պատգամավորների օգնականների վրա ու ծեծել նրանց:

168.am-ի տեղեկություններով՝ ծեծկռտուքը սկսվել է այն բանից հետո, երբ ըստ նախնական տվյալների՝ ԱԺ փոխնախագահ Ռուբեն Ռուբինյանի խորհրդականը ընդդիմադիր պատգամավորների օգնականներին կանչել է իր սենյակ՝ պարզելու համար, թե ինչու չեն բարևել Նիկոլ Փաշինյանի աներձագ Հրաչյա Հակոբյանին ԱԺ միջանցքում: Ըստ նրանց՝ Հրաչյա Հակոբյանի բարևին ընդդիմադիր պատգամավորի օգնականը չի արձագանքել, իսկ հարցին՝ ինչո՞ւ չի բարևում, պատասխանել է՝ լավ եմ անում, ձեզ չի հասնում:

Հետո իբր հարթելու նպատակով պատգամավորների օգնականներին կանչել են իրենց սենյակ ու 30 պատգամավորով հարձակվել 3 հոգու վրա: Ըստ նախնական տեղեկությունների՝ օգնականներն ունեն կոտրվածքներ:

ԱԺ է հրավիրվել շտապ բուժօգնության բրիգադ, դրանք կարձանագրվեն:

Այս պահին ԱԺ նախագահ Ալեն Սիմոնյանն իջել է ընդդիմադիր պատգամավորների հատված՝ իրավիճակը հարթելու նպատակով:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել