Հայաստանում սպասվում են տեղումներ, օդի ջերմաստիճանը կնվազի

Հայաստանի տարածքում հոկտեմբերի 24-ի ցերեկը, 25-ի գիշերը, 27-29-ն սպասվում է առանց տեղումների եղանակ: Հոկտեմբերի 25-ի կեսօրից հետո, 26-ին՝ առանձին շրջաններում սպասվում են տեղումներ:

Քամին կլինի հարավ-արևմտյան՝ 5-10 մ/վ արագությամբ:

Օդի ջերմաստիճանը հոկտեմբերի 25-27-ն աստիճանաբար կնվազի 8-11 աստիճանով:

Ինչպես տեղեկացրին ՀՀ արտակարգ իրավիճակների նախարարությունից, Երևան քաղաքում հոկտեմբերի 24-ի ցերեկը, 25-ի գիշերը, 26-29-ն սպասվում է առանց տեղումների եղանակ։ Հոկտեմբերի 25-ի երեկոյան ժամերին սպասվում է անձրև: