ԱՄՆ-ում դեռահասները ձանձրույթից սպանել են ավստրալացի բեյսբոլիստին

Lurer.com-ը գրում է.

Ավստրալացի բեյսբոլիստ 22-ամյա Քրիս Լայնը սպանվել է Օքլահոմա սիթիում մի խումբ դեռահասների կողմից, ովքեր ոստիկանությունում իրենց արարքը հիմնավորել են`ասելով, թե իրենք ձանձրույթից չգիտեին ինչ անել և որոշեցին մեկին սպանել, գրում է РИА Новости-ն:

Բեյսբոլիստ, ով վազում էր տան ուղղությամբ, որտեղ նրան սպասում էր սիրելի աղջիկը, իր վրա էր հրավիրել 3 դեռահասների ուշադրությունը, ովքեր դուրս էին եկել բնակարանից, նստել մեքենա և հասնելով Լայնին`մի կրակոցով սպանել տղային:

Դեռահասներին սպառնում է ցմահ ազատազրկում, եթե նրանց հանցանքը ապացուցվի: Նահանգում սպանության համար մահապատիժ է սահմանված, սակայն այն չի կիրառվում անչափահասների նկատմամբ: