Այսօր արդեն բոլորը, այդ թվում եւ՝ ընդդիմությունը, խոսում են այն մասին, որ Նիկոլը պատրաստվում է հողատվության երկրորդ արարին՝ համապատասխան պատերազմով ու փաստաթղթով, կամ առանց դրանց։ Բոլորը, այդ թվում եւ՝ ընդդիմությունը գիտեին, որ նման բան լինելու է ընտրություններից հետո, բայց մասնակցեցին ընտրություններին։
Հողատվություն երկու արարների միջեւ ընտրություններ կոչված ընդմիջումն անհրաժեշտ էր Նիկոլի լեգիտիմությունը վերականգնելու համար, այլապես այն ժամանակ անգամ շունը Նիկոլի ձեռքից հաց չէր վերցնում, ուր մնաց, թե Ալիեւը՝ նոր հողեր։ Այս մասին շատ լավ գիտեր ընդդիմությունը, բայցեւ գնաց ընտրությունների՝ լեգիտիմացնելու նոր հողատվությունը։
Ու հիմա լուրջ տեսքով Սեւանի խնդիրն են քննարկում, կառավարության ծրագիրը, եւ այլն, համբերատար սպասելով, թե երբ է Նիկոլը հանձնելու Հայաստանի տարածքները, որից հետո կլինեն նոր ընտրություններ, որի ժամանակ խոստացել են, որ այսօրվա ընդդիմությունը վերջապես կդառնա իշխանություն։
Միգուցե պահեն այդ խոստումը, միգուցե՝ ոչ, բայց դա արդեն բացարձակ էական չի լինի Հայաստանի համար։
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել