dni.ru կայքը հարցում է անցկացրել. ռուսաստանցի մի խումբ հոգեբաններ նրանց խնդրանքով կազմել են մուլտֆիլմերի ցանկ, որոնք, նրանց կարծիքով, վնաս են հասցնում մանկական հոգեբանությանը:
Համաձայն ուսումնասիրությունների ամենավնասակար մուլտֆիլմ է ճանաչվել «Մաշան և արջը» մուլտսերիալը, որը ցուցադրվում է նաև եվրոպական երկրներում, Մերձավոր Արևելքում ու Լատինական Ամերիկայում:
Հոգեբանների գնահատմամբ՝ մուլտֆիլմի գլխավոր հերոսը՝ Մաշան, միշտ իրեն վատ է պահում, կամակորություններ է անում: Նման պահվածքը և անպատժելիությունը, ըստ հոգեբանների, կարող է բացասաբար անդրադառնալ աճող սերնդի դաստիարակաության վրա:
Վնասակար մուլտֆիլմերի երկրորդ հորիզոնականում է հայտնվել ամերիկյան հայտնի «Հսկա Հայը»: Ռուսաստանցին հոգեբանները գտնում են, որ մուլտֆիլմում գլխավոր հերոսների օգտագործած բառապաշարը կարող է վնասել երեխաների լեքսիկոնը:
Վնասակար մուլտֆիլմերի ցանկում է հայտնվել մեկ այլ ամերիկյան մուլտսերիալ ևս՝ «Սպունգ Բոբ՝ քառակուսի տաբատը»: Հոգեբանների կարծիքով՝ մուլտֆիլմի գլխավոր հերոս Բոբը չափազանց եսասեր է և մշտապես հաշվի չի առնում մեծահասակների կարծիքը: Ուստի, նման պահվածքը կարող է վատ օրինակ ծառայել երեխաների համար:
Չորրորդ հորիզոնականը եզրափակում է շատերի կողմից սիրված «Թոմն ու Ջերին» մուլտսերիալը: Ռուսաստանցի հոգեբանները գտնում են, որ մուլտհերոսները պարբերաբար ծաղրում են միմյանց և ագրեսիվ են տրամադրված միմյանց նկատմամբ:
Կայքը նաև նշում է «Վինքս ակումբը», «Հրեշների դպրոցը», «Բարբոսսկինները», «Տրանսֆորմերները» մուլտսերիալները:
