style.news.am-ը գրում է․
Դերասան եւ ռեժիսոր Արմեն Ջիգարխանյանի ժառանգության մի մասը բաժին է հասել միանգամայն կողմնակի մարդկանց: Ինչպես հաջողվել է պարզել լրագրողներին, Ստարոկոնյուշնի նրբանցքում գտնվող բնակարանի կեսը, որտեղ Արմեն Բորիսովիչն անցկացրել է իր վերջին օրերը, այժմ պատկանում է գործարար Յուրի Ռաստեգինին: Բնակարանին նաեւ հավակնում է դերասանի երկրորդ կինը՝ Տատյանա Վլասովան (նա տիրապետում է մյուս 50% -ին), բայց գործարարը մտադիր չէ զիջումների գնալ։
ԶԼՄ-ների տեղեկություններով՝ ժամանակին Ջիգարխանյանը 3-սենյականոց բնակարան է ստացել մայրաքաղաքի կենտրոնում՝ Արբատի կողքին, Մոսկվայի իշխանություններից։ Որոշ ժամանակ անց նա սեփականաշնորհել է անշարժ գույքի օբյեկտը իր այն ժամանակվա կնոջ՝ Տատյանա Վլասովայի հետ միասին, ով մինչեւ հիմա տիրապետում է կեսին։ Միայն Տատյանա Սերգեեւնայի հետ ամուսնալուծությունից հետո դերասանն իրեն պատկանող բնակարանի 50%-ը վաճառել է իր ծանոթ գործարարին:
Երբ Վիտալինայի հետ ամուսնությունը փլուզվել է, Ջիգարխանյանը ցանկացել է վերադառնալ իր բնակարան։ Ռաստյոգինն ընդառաջել է արտիստին՝ նրա հետ անհատույց վարձակալության պայմանագիր կնքելով։ Սակայն այժմ, ինչպես պարզվել է, արդեն ամբողջ բնակարանին հավակնում է Տատյանա Վլասովան։ Նա նույնիսկ ցանկանում էր, որ Ռաստյոգինը իրեն փոխանցի բնակարանի երկրորդ կեսը։ Գործարարը զիջելու մտադրություն չունի՝ չհասկանալով, թե ինչ հոդվածով պետք է հրաժարվի իր բաժնեմասից։
«Արմեն Բորիսովիչի մահից հետո հանդիպել եմ Տատյանա Սերգեեւնայի եւ Ստեփանի հետ։ Իրոք, նրանց մոտ միտք է առաջացել. չեմ կարող Տատյանա Սերգեեւնային իմ բաժինը նվիրել։ Բայց ինչու։ Ես պատրաստ եմ նրա համար ողջամիտ գնով կացարան ընտրել, ուր նա կարող է տեղափոխվել։ Իսկ այն բնակարանը Ջիգարխանյանի թանգարանն է։ Մենք նրա հետ այդ մասին համաձայնագիր ենք ստորագրել։ Այդ մասին գիտեն նրա ընկերները։ Ես մտադիր չեմ հետ կանգնել իմ ծրագրերից», - ասել է Յուրի Ռաստյոգինը «Կոմսոմոլսկայա պրավդա» -յին տված հարցազրույցում։
