News.am-ը գրում է․

Կանադայում ռեկորդային բարձր ջերմաստիճան է գրանցվել, քանի որ երկրի արեւմուտքն ու Խաղաղօվկիանոսյան տարածաշրջանի հյուսիս-արեւմուտքը աննախադեպ ջերմային ալիքի տակ են գտնվում, հայտնել է BBC-ն:

Բրիտանական Կոլումբիայի Լիտոն քաղաքում ջերմաստիճանը կիրակի հասել է մինչեւ 46,6°C-ի՝ գերազանցելով 84 տարվա ռեկորդը:

ԱՄՆ-ը եւ Կանադան նախազգուշացրել են քաղաքացիներին տապի «վտանգավորության» մասին, որը կարող է պահպանվել այս շաբաթ:

Փորձագետները սպասում են, որ կլիմայի փոփոխությունը կավելացնի ծայրահեղ եղանակային երեւույթների հաճախականությունը, ինչպիսիք են ջերմային ալիքները: Այնուամենայնիվ, դժվար է որեւէ կոնկրետ իրադարձություն կապել գլոբալ տաքացման հետ:

Բարձր ճնշման գոտին հսկայական է՝ Կալիֆոռնիայից մինչ Կանադայի արկտիկական տարածքներ. այն Այդահո նահանգով հասնում է մինչեւ երկրի խորքերը:

Լիտոնը, որը գտնվում է Վանկուվերից մոտ 250 կմ հյուսիս-արեւելք, 1937 թվականին գերազանցել է Կանադայի նախորդ ռեկորդը՝ 45°C-ը:

Բրիտանական Կոլումբիայի ավելի քան 40 այլ վայրերում նոր ռեկորդներ են սահմանվել:

Ըստ կանխատեսումների՝ հավանականություն կա, որ ջերմաստիճանը կարող է գերազանցել 47°C-ը:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել