Analitik.am-ը գրում է.

Գրոմայստեր Լևոն Արոնյանն ավարտեց ելույթները Grand Chess Tour-ի Փարիզի արագ և կայծակնային շախմատի մրցաշարում:

Արոնյանը հավաքելով 17,5 միավոր  արագ և կայծակային շախմատի մրցաշարարի ընդհանուր արդյունքում մրցաշարային աղյուսակում գրավեց 5-րդ տեղը: Մրցաշարի հաղթողն ԱՄՆ ներկայացուցիչ Ուեսլի Սոն է: Երկրորդ տեղում Ռուսաստանից Իան Նեպոմնիաչին է, երրորդում` Ֆրանսիայից Մաքսիմ Վաշիե-Լագրավը, 4-րդում` Իրանից շախմատային աշխարհի նոր դեմքերից մեկը` Ֆիրուզա Ալիռեզան:

Արոնյանը դեռևս հանդես է գալիս Հայաստանի դրոշի ներքո: Օրեր առաջ նա հայտարարություն էր տարածել, որում տվել էր վերջին շրջանում իր անձի հետ կապված շրջանառվող հարցերի պատասխանները. Արոնյանը հեռանում է Հայաստանից: Նա կմիանա ԱՄՆ հավաքականին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել