Hraparak.am-ը գրում է.
Քիչ առաջ միջադեպ գրանցվեց Չարենցավանի 27/22 ընտրատեղամասում: Մի քաղաքացի դժգոհում էր, որ իր որդին և հարսը ՀՀ քաղաքացի չեն, ՌԴ քաղաքացիություն ունեն, սակայն նրանց անունները կան ցուցակում: Ասաց` նախորդ ընտրություններին էլ կար, դիմել է ոստիկանություն, սակայն ցուցակից նրանց անունը չեն հանել:
Հանձնաժողովի նախագահ Վարդիթեր Հայրապետյանն էլ ասաց, որ սա իրենց խնդիրը չէ, պետք է անձնագրային դիմել ու վստահեցրեց, որ իր որդու և հարսի փոխարեն ոչ ոք չի քվեարկելու:
Քիչ անց, սակայն, քաղաքացին, մոտենալ գրանցամատյանին, իր ստորագրությունը դնելու հետ մեկտեղ գրիչով գիծ քաշեց նաև իր որդու և հարսի անվան դիմաց` ասելով, որ անցած անգամ էլ է այդպես արել:
Ստիպված եղան դիմել ոստիկաններին:
Նյութի աղբյուր՝ https://hraparaktv.am/post/9695dcf2b03689ce457d6255b139dfb4
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print
Տպել