Նկատե՞լ եք, չնայած Հայաստանից «մոտեցումներ շտկելու» ոմանց տենչին և հաղորդակցության ուղիների ապաշրջափակման ծրագրում տեսանելի ու անտեսանելի «ծնրադրություններին», Թուրքիայից այդպես էլ չի լսվում մի կարևոր հայտարարություն․ «պատրաստ ենք բացելու Կարս-Գյումրի երկաթուղագիծը»։
Ընդհակառակը՝ Թուրքիայի տրանսպորտի և ենթակառուցվածքների նախարար Ադիլ Կարաիսմայիլօղլուն նոյեմբերի 9-ի տխրահռչակ հայտարարությունից անմիջապես հետո հայտարարեց, որ տարածաշրջանում նոր զարգացումների համատեքստում Անկարան մտադիր է կառուցել Իգդիր (Թուրքիա)-Սադարակ (Նախիջևան) երկաթուղագիծը։
Այսինքն Նախիջևանի հետ երկաթուղային կապ հաստատելու նպատակով թուրքական կողմը մտադիր չէ բացել Կարս-Գյումրի հատվածը և օգտվել ամբողջությամբ Հայաստանի տարածքում գտնվող արդեն իսկ առկա Գյումրի-Արմավիր-Երևան-Երասխ գծից, որպեսզի հնարավորինս խուսափի Նախիջևանի միջոցով Ադրբեջանի հետ երկաթուղային կապ հաստատելու հայկական ուղուց, որը հնարավոր չէ շրջանցել միայն Սյունիքի մոտ 46 կմ-անոց հատվածում։
Սա նշանակում է, որ նաև կոնկրետ այս պարագայում Թուրքիայի նպատակը բացառապես մեկն է և ակնհայտորեն ոչ անկեղծ՝ հայկական ազդեցությունը հնարավորին նվազեցնելով, հասնել իր ծավալապաշտական երազանքին՝ պատկերավոր ասած, «երկաթուղային Թուրանի» առաջին և երկրորդ կայարան Նախիջևանին և Ադրբեջանին։
Քարտեզում՝ երկաթուղագծերը մեր տարածաշրջանում
May be an image of map and text that says Poti Kutaissi Samtredia Surami Telawi GEORGIEN Achalkal Kasreti RUSSLAND Derbent Rustawi Znori Dedoplis Zkaro Strecke Ağstafa Kars ASERBA DSCHAN Ganza Mingaçevir Göygöl Armawir Yevlax TÜRKEI Masis Eriwan ARME ENIEN Kürdamir Katalparaq Sumqayıt Jerasch Ağdam Strecke Baku Saatlı elat Neftçala IRAN Astar
Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել