1in.am-ը գրում է.

Երեկ Մոսկվայում 1.5 տարեկան թոռան՝ Ալբերտի հետ անհետացած տարեց հային ողջ են գտել: Այս մասին հայտնում է «Կոմսոմոլսկայա պրավդան» և նշում, որ պապը տառապել է սկլերոզով:

Անցած գիշեր նրանց փնտրել են կամավորներն ու Մոսկվայի ոստիկանությունը: Տագնապ էր առաջացրել 70-ամյա Հրաչ Սարգսյանի՝ սկլերոզով տառապելու փաստը: Նա թոռան հետ դուրս էր եկել զբոսանքի ու չէր վերադարձել: Դեպքը տեղի էր ունեցել «Տյոպլի ստան» մետրոյի կայարանի շրջանում: 

Նախկինում ընտանիքը բնակվել է Ապրելևկայում: Այնտեղ էլ ուղղվել են կամավորներն ու ոստիկանությունը: Հենց այնտեղ էլ հայտնաբերել են նրանց: Պապն ու թոռը բուժօգնության կարիք չունեն:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել