1in.am-ը գրում է.

Կյանքի 84-րդ տարում վախճանվել է բարերար և ազգային գործիչ Կարապետ Գալֆայանը։ 

Գալֆայանը հունահայ համայնքի երևելի ներկայացուցիչն էր։ Նա մեծ օգնություն է ցույց տվել Հայաստանին հատկապես Ղարաբաղյան պատերազմի տարիներին, մասնավորապես, կազմակերպելով մոտ հինգ տասնյակ ինքնաթիռներով հումանիտար բեռների առաքում Հայաստան, որի համար արժանացել է Ամերիկյան Կարմիր Խաչի տնօրեն Էլիզաբեթ Դոուլի հատուկ պարգևին։ 

Գալֆայան ընտանիքի ջանքերի շնորհիվ բազմաթիվ մշակութային, կրթական, ինչպես նաև ռազմական ձեռնարկներ են իրականություն դարձել:

Անկախացման առաջին տարիներին եղել է նաև ՀՀ ԱԳՆ առաջին ներկայացուցիչը Հունաստանի կառավարության մոտ՝ իր մեծ նպաստը բերելով հայ-հունական դիվանագիտական կապերի սկզբնավորման և կայացման։

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել