1in.am-ը գրում է.

ԱՄՆ Պետդեպը կարգադրել է Եմենում իր դեսպանատան աշխատակիցներին տարհանել՝ կապված ահաբեկչական հարձակման բարձր մակարդակի սպառնալիքի հետ:

ԱՄՆ-ը նաև իր քաղաքացիներին կոչ է արել անհապաղ լքել Եմենը: Կիրակի փակվել են ԱՄՆ-ի դիվանագիտական և հյուպատոսական հաստատությունները Մերձավոր Արևելքի և Հյուսիսային Աֆրիկայի երկրների մեծ մասում, այդ թվում և Եմենում: 

Ինչպես հաղորդվում է՝ այդ քայլը ձեռնարկվել է այն բանից հետո, երբ ԱՄՆ հատուկ ծառայությունները «որսացել» են «Ալ-Քաիդայի» առաջնորդ Այման Զավահիրիի և Եմենում կազմակերպության ղեկավար Նասեր Վուհայշիի նամակագրությունը, որում խոսվել է 2001-ի սեպտեմբերի 11-ից ի վեր խոշորագույն դավադրության նախապատրաստման մասին:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել