Հոլանդացին ստեղծել է թռչող ջայլամ (տեսանյութ)1in.am-ը գրում է.

Նիդերլանդների բնակիչ Բարտ Յենսենը ստեղծել է թռչող ջայլամ: Դրա համար նա ֆերմայում սատկած թռչուն է գտել, հետո տարել խրտվիլակ պատրաստողի մոտ, որից հետո թռչնի ներսում տեղադրել է շարժիչ: Այդ արտասովոր թռչող սարքի մասին հաղորդում է Orange News-ը:

Յենսենի խոսքերով՝ նա շատ էր ցանկանում թռչող ջայլամ ստեղծել, քանի որ իրականում այդ թռչունը թռչել չգիտի:

Ջայլամի առաջին փորձնական թռիչքը կայացել է մի քանի օր առաջ: Ռադիոկառավարվող թռչունը օդ է բարձրացել, այնտեղ մի քանի րոպե անցկացրել, որից հետո վայրէջք է կատարել: Փորձնական թռիչքը բավականին հաջող է ընթացել: Թե այժմ ինչ է մտադիր անել տղամարդը իր ջայլամի հետ՝ չի հստակեցվում:

Կայքում տեղ գտած մտքերն ու տեսակետները հեղինակի սեփականությունն են և կարող են չհամընկնել BlogNews.am-ի խմբագրության տեսակետների հետ:
print Տպել