Aysor.am-ը գրում է․
Դեռ օգոստոսին, երբ զորավարժություններն ավարտվեցին և Ադրբեջանից չհանվեցին F-16-երը, ՀՀ ՊՆ-ն հարց բարձրացրեց համապատասխան մարմիններին, հրավիրված ասուլիսի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը:
«Լավ գիտենք, որ իրենց կազմում եղած կործանիչները իրենց առաջադրված խնդիրը չեն կարող կատարել ինչպես հարկն է, դրա համար F-16-երն այնտեղ են: Լավ գիտենք, որ F-16-երի հետ իրենք վաղուց աշխատում էին: ՀՀ-ն տիրապետում է համապատասխան տեղեկությունների, այդ թվում՝ ռադիոտեխնիկական հետախուզական միջոցների, և բոլոր նրանց, ովքեր հերքում են և լուրջ չեն վերաբերում մեր պաշտոնական տեղեկություններին, համապատասխան անակնկալներ են սպասվում», - ասաց Արծրուն Հովհաննիսյանը:
Նա հիշեցրեց, որ ադրբեջանական կողմը հերքում է՝ F-16-եր ունեն՝ նկատելով, որ հայկական կողմը լավ գիտի՝ դրանք Թուրքիայինն են:
