Armenpress.am-ը գրում է.
Հանրապետության նախագահ Արմեն Սարգսյանին Հայաստանի Անկախության տոնի առթիվ շնորհավորական ուղերձ է հղել Թուրքմենստանի նախագահ Գուրբանգուլի Բերդիմուհամեդովը։ «Արմենպրես»-ին այս մասին հայտնեցին ՀՀ նախագահի աշխատակազմի հասարակայնության հետ կապերի վարչությունից:
«Թուրքմենստանի և Հայաստանի Հանրապետության միջև ավանդաբար բարեկամական հարաբերությունները հիմնված են հավասարության, փոխադարձ հարգանքի և վստահության սկզբունքների վրա։ Վստահ եմ, որ քաղաքական, առևտրատնտեսական, մշակութաjին, հումանիտար և այլ ոլորտներում հաստատված բազմաբնույթ համագործակցությունը հետագայում ևս կզարգանա և կամրապնդվի՝ ի շահ մեր ժողովուրդների»,-նշված է Թուրքմենստանի նախագահի ուղերձում։
Գուրբանգուլի Բերդիմուհամեդովը նախագահ Արմեն Սարգսյանին մաղթել է քաջառողջություն և երջանկություն, իսկ Հայաստանի բարեկամ ժողովրդին՝ խաղաղություն, բարօրություն և բարգավաճում։
