Shantnews.am-ը գրում է.
«Անշուշտ, մենք չենք ամաչի անուներ նշել՝ որտեղից և ով է իրականացրել այդ անօրինական գործողությունները: Ամեն ինչ կկոչվի իր իրական անունով»,- լրագրողներին ասել է Վրաստանի ԱԳՆ Դավիթ Զալկալիանին` կապված «Լուգարի» լաբորատորիայի տվյալների շտեմարանի վրա կիբերհարձակման հետ:
Նրա խոսքերով ՝ իշխանությունները, միջազգային գործընկերների հետ միասին, կանեն ամեն ինչ այս անօրինական գործողությունների հեղինակներին հայտնաբերելու և միջազգային հանրության կողմից համապատասխան կոշտ գնահատական տալու համար:
«Իհարկե, անօրինական գործողությունները, որոնք կատարվել են համաճարակի դեմ պայքարում Լուգարի լաբորատորիայի նկատմամբ, կտրականապես անընդունելի են: Սա այն ապատեղեկատվության և ապօրինի արշավի մասն է, որն իրականացվում է Վրաստանի համար կարևոր և արժեքավոր հաստատության դեմ… Եվ դա, իհարկե, նպատակ ուներ կաթվածահար անել այդ ինստիտուտը, քանի որ համաճարակի դեմ պայքարում Վրաստանի և առհասարակ մեր կառավարության հաջողությունը որոշող գործոններից մեկը Լուգարի լաբորատորիան է:Մեր իրավապահ կառույցները սերտ կապի մեջ են մեր բոլոր գործընկերների հետ»,- ասել է Զալկալիանին:
Ըստ Վրաստանի ՆԳՆ-ի՝ 2020 թ. սեպտեմբերի 1-ին օտարերկրյա պետություններից մեկը կիբերհարձակում է իրականացրել Վրաստանի Առողջապահության, սոցիալական ապահովության նախարարության, այդ թվում` Ռիչարդ Լուգարի հանրային առողջության հետազոտությունների կենտրոնի շտեմարանների վրա:
